AI 時代就是大家都知道大家可以做到任何事情，然後大家都不知該做什麼

中東打仗，聽聞有唔少資本走黎香港，所以我做左個網站，睇下有無駁腳可以做下。

然後揾左 1000 個中東高管 email，send cold mail approach

然後有一間阿聯酋基金的幕僚長直接 book 左同我 online meeting 既時間。

Google meet 有英語即時翻譯中文字幕，解決左我英語 listening 問題。然後 setup 左個 AI，即時分析整個 meeting 的對話，即時揾需要用到既資料，check 住有無離題之類，有無強烈購買或 reject 既信號。

最後用 Trump 式英文(humble 版) 整理成可以由英語水平不算好的我直接說出去的內容。雖然有時唔準，但的確係好幫到手。

咁最後傾成點 ? 暫時係未有 1 蚊落袋
，仲洗左 60 蚊美金去買中東高管既 email 同埋自動 send cold mail 既流程。

另加 30 蚊美金開通 Google workspace，唔開就無即時英文翻譯。

加埋網站 domain 之類，總共大約用左 100 蚊美金左右，約左個中東基金幕僚長開左 1 個鐘既 online meeting。

中學時期，教我 Econ 的老師上堂時分享左個笑話，話有個人預言世界末日，之後啲人問佢係唔係預言錯左呀，世界都無末日喎。然後個預言家話 “世界已經末日左，只係你地仍然懵然不知。”

要是有不知者不罪的話，那麼問題就是如何證明你不知道。如何證明你不知道能使用 AI 的人能夠完全取代你。